Mur

Nifs ġdid,

Dawl ġdid.

Orizzonti li qatt ma rajt qabel,

toroq li qatt ma mmarkajt qabel.

Tgħażel u tintgħażel,

tibgħat u tintbagħat.

Fejn, kif u meta: qatt ma tkun taf xiex.

Żgur pero, li kull darba bniedem ġdid.

Mit-Tieqa 'l Isfel

Ħriġt rasi 'l barra,

minn dit-toqba fil-ħajt.

Rajt l-hena u l-ftuħ,

l-għasafar u l-ward.

Ħadt nifs u ħassejt,

il-ħajja tinxtamm.

Ħadt nifs u ħassejt,

dil-ħajja tinżamm.

Imbagħad ġismi nstabat mal-art.

Irmied

Fil-hemda tal-lejl,

fis-skiet tal-mewt,

fix-xejn tat-tmiem.

Hawn jien, mdawwar bl-irmied.